If you dey chop foreign rice listen o! Naija Minister of Agriculture and Rual Development , Dr Akinwunmi talk for Tribune say na rice wey animal suppose chop na im you dey chop so, Yekpa!. E talk say na selfish bad belle people dey import that rice . Oga minister show the news people wey gadda our own naija Benue rice we fit compete well in international community.
Imagine wey naija chicks and guys gadda dey flenjo, blow fone, dey form for each other for party come dey chop rice .Dem no know say na livestock feed dem dey chop so, Yawa!!. People wicked sha, na who dey import this tin, e suppose dey inside jail, so na oyibo throw wey rice people dey chop ? And to add insult to injury the rice go come espensive pass better rice. Ifiaaa!