Owo ti land oo, money, ego, nchocho don land oo. Dishonorable Lawan don finally promise sey im g surrender $500,000 to the Special Fask Force before the end of the week . Di thief don confess and agree say im collect money from Otedola for April 2012. Dem don call Boniface Emenalo to report for Friday weda im go surrenda his hare of the bribe. Meanwhile Jagaba, in a letter to the Speaker, Mr. Aminu Tambuwal, on Tuesday deny say im dey in possession of the money after dishonourable Lawan had last week claim say im hand over the money to Jagaba.
See as dis people dey take naija money dey play. Laugh wan make me tear trouser, di man don confess after all di shakara as if sey we no know before say na so dis govt people dey share naija money.Which bureau de change change all dis money , which bank allow person withdraw or deposite $620 million, naija pepo gat to wake up, young people were una dey, we gat to demand more from dis so called leaders. I hope di next tin after dis confession be say Lawan go enter jail. Makew we siddon, cross hand and leg look as dram dey unfold.