Ewo!! Hope dis no be Boko Haram Fund raiser. Residents of Wukari no fit sleep for night as arm robbers dey operate for three commercial banks in di town and carry plenty money. Nobody die tank God as na between 9pm and midnight the raid happen. For three hours police no show face, but the Police Commissioner in Taraba, Alhaji Ibrahim Maishanu, come dis morning to confirm say robbery happen and dat police don begin investigation. Nonsense!
Mr Danazumi Agbu, the Chairman, Wukari Local Government Council, talk to News Agency of Nigeria NAN and confirm say explosives and gun shots were heard from the direction of the banks late in the night. Di poor people wey live dat side tink say na Boko haram dey operate and some like Miss Naomi Nanjo, a resident of the area, tell NAN say she and several oda families run enter bush to hide and no come out untill 5am becos den dey fear for thier life.
Di other day boko haram enter prison release all dia people wey dey prison , dem go need money , now dis fund raiser don happen. God help naija, hope no be boko get access to all that money. As for di useless police, how big is Wukari dat for 3 hours dem no show face, no try to stop di robbers. Police dey fear robbers, boko dey run tins, Preisdo dey do Ajala travel ,na wa oo, Naija! Wahala dey.