Naija News – NYSC Dey Post Graduates Go Boko Haram States

naija news- nysc photoTufiakwa!! How ? How for di earth can some group of  all dis people wey call themselves coordinators of the NYSC or whatever still dey deploy Youth Service members, person pikin to dis states wey Boko Haram dey and dem dey fully aware of di insecurity,senseless killings and bombings for dia. Nobody wey get sense go open eye korokoro walk into death trap and for wetin? Certificate wey no go even guaranty a job after service. Borono, Maiduguri etc.. no, no, no!

NYSC ejo, biko, kayi hakuri(no sabi hausa) no go send our precious golden eggs to go die for notin. All dis  states suppose be declare non-postable states due to BH  and  the affected states should put dia house in order and  improve the situation. Dem want make  copper begin die before dem go hear word. God forbid oo!

Solution two go be say make nothern graduates go dia region go serve and di same for dia  southern counterpart  until normalcy returns.  E no dey fair make peron pikin go dey die in di name of national service. At least di northern graduates know dia people and can speak di language and get nearby home to run to if yawa gas. God protect our coppers , Amen.



It’s that simple.

Leave a Reply

Your email address will not be published.