Naija News- Naija Must Go! Ghana Don Retailiate

Naija don know say yansh na bodi. Naija Reps don go ECOWAS dey beg make Ghana stop to dey chase nigeian business people from  dia country. Ghana don get new law wey say, to do business man must put $300,000 for ground first. Honourable Abike Dabiri wey lead di begging team say Ghana president and Trade minister promise dem say di law no go affect nigerians wey dey business dia but now, dem don get marching orders to leave Ghana. The naija people wey dey dia dey do small business like sellng cds so dem no get dat kind money. Shame no even catch di deligation, dem com dey talk say naija go cut diplomatic relations wit Ghana.

Laugh go make me jump front of Dana Air . O’boy, see yawa! Naija, Naija, how many times I call you. Wahala dey ooo! Ghana dey chase away ya people, na so levels don drop ? Make di Rep people go siddon. Ghane get light, better road, go fix ya country . Small time cotonu go soon give una matching order, dey demand visa sef. Somebody say “paybacks is a bitch!”

Leave a Reply

Your email address will not be published.