Dis is super storiii.People of naija to lie no be small work oh! Malam Faruk, wan teach us english oo! The suspended Chairman of the House of Representatives Committee on Monitoring of Subsidy Regime, Mr. Farouk Lawan, dey talk say im take “money” and “not a bribe” from oil businessman, Mr. Femi Otedola. Lawan talk am before the House Committee on Ethics and Privileges on Thursday, dem be di committee, wey dey investigate di $620,000 bribery allegation. Lawan say im take di money so im go implicate Otedola. hahahahaaha!! Oya oga Lawan how come after you collect money hide for cap and shokoto you go House of Assembly and by magic delisted Zenon Oil from the controversial list, if indeed the money wey you collect no be bribe?
Oga Lawan first of all BRIBE na di act while money na di means, when you take the money (as you said) you’ve taken the act – Bribe. If you wan implicate Otedola den na who you go report to show di money? Which security agency you go? Anyway , we no blame you because for naija corruption is GLORIFIED.
No 2 : How come say for dia “sting” operation the SSS no arrest di man after im don collect dia marked money? Di guy don get time to spend am and put some on first class passenger seat to Europe now to recover dia marked money na wahala.
Naija security, una dey make me laugh, small time we go hear say SSS refuse to give Nigerian Police di original copy of the vedio, so di copy wey police get na pirated copy and dia fore inadmissible in court. LWKMD!
Following the dishonourable’s logic arm robber no be thief im just dey collect money for road. Dont worry sir, no be bribe you collect, na egunje!