Notin man no go hear oo! See secondary school girls ! FGGC Abuloma SS3 ‘girls dey fight with the SS2 girls and staff and the Vice principal, by the time everytin finish about 12 people carry injury. Dis tori get as im be. One teacher who no talk im name narrate wetin happen to Nation Evening Express.
Wetin happen be say the SS3 girls dey do big babe dey enter for town dey go party, meet boys and even bring the boys back to di skul (wahala) . First of all which kin nonsense be dis for boarding skul? which kin boys dey follow gals to boarding school becos you wan shukpu shukpu. Anyway, teachers dey vex and begin to padlock the hostels, di gals no gree, dem go pull shirt dey challenge di guards to try come lock dia room. To cut long story, di gals don craze.
With dis kin mood and mind wahala burst between di ss2 and ss3 gals. Hoe, matchets, razor plus sheltox togeda wit lighter from dose wey dey smoke cigar turn to weapons of destruction. Dem fight so tey even di Vice principal wey come do peace maker fall hand. The old man suffer as dem teach am lesson