Naija News – Continue Dey Yab Me :Goodluck Johnathan

Naija News-Goodluck Johnathan

photo coutesy of aboudiamond

E be like say preosido Ebele Azikiwe Jona don dey read Naija Tori. Im say people wey dey yab am for social media and internet make dem continue, say e no go affect di development wey im wan do for naija. I wonder which development im tink say e dey do, weda na development of Boko Haram, expensive fuel or di new one of increasing Nepa money make people dey pay more for darkness etcl. The democratic dictator talk am when im deyObajana for Kogi dey launch anoda cement plant for Dangote. E dey defend why im give Dangote di second highest hour for naija. Dangote dey employ 20, 000 people plus including stimulation of di economy ,so make all nigerian emulate Dangote.

Oga presido, give me the kin money Dangote get se weda me too no go stimulate eonomy or better still, first tins first, give me di kin contract Babangida dem give Dangote see weda I no go dey build factory everywhere too. Infact I no even want dat naija honour wey be 2 for 10 kobo just give me one oyell block ehn. Oga Jona, face ya work oh! make live better for naija people, leave internet people alone we gocontinue dey yab as long as you dey mess up.

 

 

Leave a Reply

Your email address will not be published.