My oh my, dis USA basket ball team take naija do yeye last night, yekpa! We all know say na USA invent and get di game so I no tink anybody tink say naija go win but di win na total anihilation 156-73. Anyway make una no forget say olympics na about participation.
Nigeria go set world record if games like Embezzlement dey. Just imagine , Lawan go represent Nigeria for dat one, gold sure banker. As for broken English patience Jonathan go make us proud. Rituals nko? those festac guys wey kill dia blood brother and sell his parts must win gold. Wetin di Olympic IOC dey wait for?
On a serious note no single medal for naija and one week don finish . Dis na reflection of bad government in Nigeria, GEJ and d wife dey waste tax payers money junketing di globe and hosting unproductive first ladies conference for Abuja but dem no go gree make available unds to train our sportsmen befrore going for Olympics.Di blame na on bad leadership!!!
Congratulations to our boys! They put in their best , but the system let them down. Di money for their Basket Ball trainning dey Alams’, Ibori’, IBB’s Abacha’s etc’s personal bank accounts. Dem try against a team wey get everything dey need to practice. Well done once again to our boys. You did your best for Nigeria.