See Kanye West new video below, dem say D’banj dey inside, if you fit find am I go give you money. If you blink ya eye ‘kpem’ you go miss D’banj, im dey jump like monkey for back for like one microsecond , then for end im con dey do some tarzan moves and dey even cut im face off so you go dey wonder na d’banj be dat?? Ewo!! See wetin inferiority complex dey cause. D’banj wey dey control africa, dey win awrd dey get respect, now na boy boy you dey do for kanye, dem no even give am half sentence make e talk or rap very slow sef.
Since Oliver Twist wey Don Jazzy do for am, we never see wetin Kanye connection benefit di guy. Meen, Africa !, Africa!, which dey una go wake up look yourself for mirror say me too I am worth something, not to dey bow down for just any person because e dey Obodo abroad. Well, I wish am success as e dey dia dey wash plate for dat arrogant bush guy Kanye we like to dey grab microfone from person hand 🙂