Naija Tori- Charlie Boy brand don backfire – It’s absurd to think I’m gay


Twenty years ago when naija’s numerouno area fada Charlie boy decide say to brand imself as musician im go wear makeup with lipstick like woman plus plenty bling bling all over im face, nose, neck fingers and body im no know say time go come wey people go begin call am gay. Im dey vex say some naija newspapers and magazines say im be gay plus e dey secret cult dem call illuminati. Charlie boy defend imsef say he don tey wey im marry get pikin plus grand pikin self and e dey hurt, offended and upset about d whole matter. Im say all na publicity stunt wey e dey do since 20 years.

Charlie boy no too vex , stunt dey and stunt dey ,too much stunt bad oo, no be charlie boy we see for picture dey kiss denrele di oda day. Oyibo say if it looks like a duck and quacks like a duck .. fill in d gap. Weda im gay or not no be di issue, if you no gay no want wahala why you go dey misbehave like dis at ya age. Cool down small make small pikin be di one to do crazy tins. Well Charlie , accept my sympathy….NOT!


Leave a Reply

Your email address will not be published.